الطموح والطمع
الطموح والطمع
ساعات بيجيللى احساس أن مفيش فرق بين الطموح والطمع
طبعا هتقوللى : فيه فرق
الواو والحاء والعين
مش قصدى يا ظريف
الواحد لما يبقى طموح
وعايز يبقى ويبقى
ألاقى ناس بتقول يا عم انت طماع ليه؟
احمد ربنا على اللى انت فيه
انت يابنى أحسن من ناس كتيرة
بص لفلان عامل ازاى
وبص لعلان حالته متنيلة بستين نيلة
ازاى بقى أكون طموح ومش طماع
الواحد بينه وبين نفسه بيقول ان لما الواحد يدور على الاحسن يبقى اسمه طموح
أما ده بيكون طمع فى نظر الناس
يجيللى أوقات أقول ان فيه فارق كبير بين الاتنين
زى السما والأرض
أو الأهلى والزمالك
- محدش يزعل -
وأوقات تانية احسن ان الفرق بينهم زى الفرق بين الشمام والكنتلوب
أو الطماطم والبنادورة
هى هى
ممكن يكون الفرق ان الطماطم اشتريتها
والبنادورة سرقتها
هل ممكن يكون الفرق بينهم فى شرعية الوصول للمكان الافضل؟
ازاى الواحد يكون قنوع وطموح ؟
5 comments:
حلو الكلام دة... انا من وجهةنظري الشخصية ان الواحد لازم يبقي طموح بس مش طماع تقولي امال انا بقول ايه استني عليا بس طموح يعني بتعمل مجهود بتتعب بتدي لغاية ماتوصل لطموحك اما الطمع ان انت هايز كل حاجة من غير ماتعمل اي حاجةولازم مع الطموح الصبر مفيش حاجة بتيجي بسرهة ..... وبس
شتان بين الطموح و الطمع
الطموح صفة اساسيه فى اى بنى ادام
ابسطها الامل فى ان بكره جاى بحاجات افضل من النهارده و تغيير السىء للأفضل و الأفضل للأفضل منه و الحلم بالمستحيل اللى بيتحقق
الطموح هو الارتقاء بالذات ليوم الممات
القناعة و الرضا ملهومش دخل فى الطموح
الطمع بقى هو فى تفسير الانانية المطلقةو قصور فى الشخصية و نقص و باب للحقد و الحسدو الكسل
و دماغك نظيفه , طبعاً مش مستنى العوام امثالى يؤكدوا على كده
يعني بتعمل مجهود بتتعب بتدي لغاية ماتوصل لطموحك
لا احد ينظر الى الوسيلة
الكل يبقى امامه الهدف ولا شىء غيره
eman
هههههههههههه
الظاهر ان احنا العوام
الفرق بينهم العمل ياريس
انت بتشتغل علشان تحقق طموحك ولا مقضيها انتخه
لو بتعمل كده وانت حاسس و راضى عن نفسك يبقى اوك كمل يا هندسه ولا يهمك
يا بتاع الهيئه يا جامد اوى
Post a Comment