.......................

من الطبيعى ان تعبر عن شيء لا يعجبك بطريقة غير لائقة

ولكن

من الغباء أن تعبر عن أشياء جميلة

بطريقة غبية

حاجة تغيظ

لا تزال الصحف القومية تتعامل مع المواطن المصرى فى جميع أخبارها على أنه

أهبل وبريالة

علاوة جوزيه

طالب مدرب الأهلى المصرى البرتغالى مانويل جوزيه باحتساب العلاوة الجديدة على أجره الشهرى

والذى سيوقع على عقده الجديد فى غضون الأيام المقبلة

جوزيه طالب احتساب علاوته بالتساوى مع وكلاء الوزارات

يعنى حوالى ثلاثون دولار زيادة

جدير بالذكر أن التعاقد الجديد لجوزيه مع الأهلى مقابل

سبعون ألف دولار شهريا

العلاوة يا ريس

من زمان وأنا بسمع الجملة دى

المنحة يا ريس

بس الناس كانت بتقولها بفرح

الريس هيدينا منحة

ربنا يخليه

دلوقتى

لما الريس نزل علاوة جديدة للموظفين

تقريبا كل الناس مش فرحانة

ايه يعنى 80 جنيه زيادة

على فكرة تمانين جنيه ده للناس اللى مرتباتها عالية

فما بالك باللى هيأخد ثلاثين جنيه

يعمل بيهم ايه دول

اهو ينفعوا يجيب بيهم ازازة زيت وكيلو دقيق

العلاوة الجديدة تتراوح ما بين

خمسة دولار

و

وثلاتين دولار

فى الشهر

لا تعليق

أعتقد أن زمن المنحة يا ريس قد انتهى

celine Dion

I hear the ticking of the clock

I'm lying here the room's pitch dark

I wonder where you are tonight

No answer on the telephone

And the night goes by so very slow

Oh I hope that it won't end though

Alone

Till now I always got by on my own

I never really cared until I met you

And now it chills me to the boneHow do I get you

alone

How do I get you

alone

You don't know how long I have wanted

to touch your lips and hold you tight,

ohYou don't know how long I have waited

and I was going to tell you tonight

But the secret is still my ownand my love for you is still unknown

Alone

Till now I always got by on my own

I never really cared until I met you

And now it chills me to the bone

How do I get you alone

How do I get you

alone

http://www.sorah.co.uk/02%20-%20Alone.mp3

عيش حاف

اعلان

سارع بالاشتراك

فرصة لن تعوض

نحن نعلم أبناءك كيفية الحصول على رغيف العيش دون عناء

ابنك يأتى متأخرا ويحصل على الرغيف اول واحد

وداعا للطوابير

وأهلا بالفكر العلمى

كورسات مكثفة

يحاضر فيها خبراء فشكلة الطوابير من الجوانب

هذا ليس كل شىء

اشترك بأحد ابناءك واحصل على اشتراك الثانى مجانا

بادر بسرعة الاشتراك

فالعدد محدود

والعيش مش موجود

امبارح كان عيدى ميلادى

امبارح

كان عيد ميلادى

كل سنة وانا طيب

فرخة وميكروباز

فى الميكروباز

اللى أجرته ربع جنيه

كان فيه تباع

وشه بيضحك

كل حاجة تقابله يتريق عليها

يلا يا أسطى

عايزين نلحق نكمل تمن الفرخة

كدة مش جايبين نص فرخة

يا سلام

لو الواحد يبقى معاه مليون جنيه

كان زمانه جاب عربيتين ميكروباز

وشوية فراخ علشان العيال

ووصلت

ونزلت من الميكروباز

اللى التباع أخد منى فيه

ربع جنيه

إســـــــــــــــــــــــــــــــــراء

تلومون اسراء عن ما قالته عن اسرار اعتقالها

وما لاقته اثناء الاعتقال

وفى السجن الذى وصفته بفندق الخمس نجوم

تغاضيا عن أن إسراء لم تدخل من قبل الفنادق فئة الخمس نجوم

وهذه نكتة

فأعتقد أنى لو كنت مكانها لقلت أكثر مما قالت

سأقول أنى عوملت معاملة كبار الزوار

ساقول أنى شاهدت مباريات الدورى الانجليزى مباشرة ثلاث مرات خلال فترة اعتقالى

سأقول أنهم لم يطالبوننى بقية اشتراك تلك المباريات المشفرة

سأقول أنى اتغديب لحوم حقيقية

مش لحوم حمير وكلاب

سأقول أن سيارة الترحيلات مكيفة وبها كراسى مريحة مثل التى فى فيلا عمرو أديب وأحمد موسى

سأقول أن السجينات زملائى فى الزنزانة كانوا ملائكة وسأستغرب من وجودهن فى الزنزانة

واتساءل لماذا لم يكن فى السماء

سأقول أنى بحب عمرو موسى وبكره اسرائيل

سأقول ما يطلبوه

حتى لو طلبوا منى إنى أقول أنى بنت ومش ولد زى ما الناس فاكرة

وزى ما انا كنت فاكر

كنت هاقول

بس يروحونى البيت علشان ماما وبابا وأهلى

اسراء

عاذرينك

محاولة التغيير

عايز ارجع زى ما كنت

بحاول ارجع

اتقدم خطوتين

وارجع خطوة

مش راضى عن نفسى

اكيد زى أى حد

هفضل احاول

على الرغم اننى أضع العوائق امامى

أتجاوزها

وتعوقنى

بس برده هفضل

بحاول

عمرو تانى

عمرو اديب ساب كل ما تعلق بالاضراب والهدف منه

ومسك فى حوادث المحلة

وبنفس الاسطوانة المشروخة

الحزب الوطنة وانتوا فين

والشعب سايبينوه

حرام عليكم

طبعا كله متربط

عمووور

يا ريت تسيبك من مشكلة رغيف العيش اللى انت عمرك ما هتحس بيها

وخليك فى عربيتك البى ام أحسن

متتكلمش عن الدعم

لانك سيادتك من اكبر المستفيدون منه

مش حسد يا عموووور

الأجرى

عمرو بيه اديب أطلق اسم الفتنة

على ما دعت اليه فتاة مصرية تدعى اسراء

الى الاضراب السلمى وعدم الذهاب الى العمل يوم السادس من ابريل

فتنة

يا راجل

فعلا كان عندها حق لما كانت بتقوللى ان عمرو اديب ده بتاع مصالح

عمرو بيه

نزلت من نظرى

زيت دوت سكر

مع انهم بيقولوا عليا متشائم
وإن أنا مسود الدنيا أكتر من اللازم
مع إنى مش شايف فرق بين الاسود اللى أكتر من اللازم والاسود اللى أقل من اللازم
اهو كله إسود
رغم ده إنما أنا ساعات تيجيلى أوقات كدة والعياذ بالله كدة
أتفاءل
والله بتفاءل !!!
بس تقريبا كلمة ساعات اللى كتبتها دى عمرها ما بتكون أبدا ساعات
هى يا دوبك دقايق
وبعدين
ترجع ريما لعادتها السودة
اللى هى ايه؟
أكتر من اللازم
برافو
اخر مرة بقى حسيت فعلا انه مفيش فايدة
أو حسيت مرة مليون انه مفيش فايدة
لأن ده تقريبا الاحساس اللى عندى على طول
يوم ما عرفت ان الزيت غلى
يا جدعان ازازة الزيت بقت باتناشر جنيه
يا انهار اسود
اتناشر جنيه
واى نوع ده النوع التعبان اللى هوة لونه بيكون اسود كدة
برده اسود
الواحد كان ظبط نفسه انه خلاص فكر يتنيل ويتجوز
وأهى جت مشكلة تانية
سيبك من الشقة والشبكة والعفش والحاجات الهايفة دى
دلوقتى ممكن الجوازة تبوظ علشان الزيت
الازازة دى؟
أيوة
مين بقى اللى هيبقى عليه الزيت ؟
العريس ولا العروسة
مشكلة فعلا
وأكيد بعد كدة هيكون الاتفاق بين العيلتين على أن العروسة عليها المطبخ والزيت
والعريس يشيل الشقة والعفش و....... السكر.

يعنى ايه كلمة وطن

يعنى ايه كلمة وطن

لأ مش قصدى محمد فؤاد

بجد يعنى ايه مصر

ويعنى ايه لما الواحد يقوللى تعالى نحب مصر

ما أنا بحبها يا عم

قعدت أفكر كدة فى كلمتى دى

يعنى ايه أنا بحب مصر

وهى مين مصر دى اللى أنا بحبها

أكيد مصر دى مش أشخاص

وإلا لو هى الحكاية كدة

كانت مصر اختفت من زمان بموت الاشخاص دول

ومصر برده أكيد مش جماد

أقصد يعنى جبال وأهرامات وعجائب الدنيا وحاجات من دى

وبرده أكيد مصر مش هى المنتخب الوطنى

ومحدش يقوللى مصر مبارك

علشان هى لو كدة يبقى

...............

ولا بلاش

محمد فؤاد قال

يعنى ايه كلمة وطن

يعنى أرض

حدود

مكان

ولا حالة من الشجن

أنا عايز أعرف

لما حد ييجى يقوللى مصر هى ايه

أقوله ايه؟؟

ح.ر.ي.ة

مرة تانية

ولن تكون الاخيرة

يساء الى الرسول صلى الله عليه وسلم

رسول مليار ومئتان مليون مسلم

ولا يتحرك أحد

بدعوى الحرية

يقومون بنشر تلك الرسوم

وبدعوى الحرية يدافعون عن من يعترض على نشر تلك الرسوم

حرية ايه دى؟؟؟

حرية ايه دى اللى تنتهك خصوصيات الاخرين

ايها السادة الأحرار

تظل الحرية موجودة طالما لم تصطدم بحدود حريات أخرى

فإن حدث ذلك التصادم

بقت فوضى

عذرا رسولنا الكريم

ستهان مرات عدة فى المستقبل

فاغفر لنا تقصيرنا وتقصير أولى الأمر منا

كارفور

شاءت بى الاقدار أن أذهب الى كارفور المعادى

وطبعا الموضوع ده مش على طول

لأنى باعتبر ان مرواحى كارفور ده خروج وسهرة وحاجات من دى

مش تسوق وكلام فاضى

مع ان الاسعار رخيصة جدا وفى منتاول الجميع

ولو كانت مش فى منتاول الجميع فهى فى متناولى أنا

يعنى مثلا بنطلون بألف وستميت جنيه يا بلاش

ده كمان عليه تخفيض عشرة فى المية

ولا الجاكيت ده

تحفة

بكام ده؟

ستميت جنيه

المشكلة بقى فين؟

ان رغم الاسعار دى

الاقى الناس بتشترى والعربيات ما شاء الله

والظاهر والله اعلم ان مفيش فقراء فى مصر وان الناس كلها مستواها عالى ما شاء الله

بس الناس هية اللى بتحب تخبى علشان الحسد

ربنا يبعدنا عن كارفور ومرتاديه

راجل وطنى

اتضح أن المهندس أحمد عز هو السبب فى تحطيم الجدار الحدودى بين مصر وغزة

وذلك ليعاد بناؤه مرة أخرى بالحديد بتاعه اللى وصل خمسة الاف حنيه

ربنا يحميك

بدون عنوان

ما أخجل أن يشعر الانسان بالبلاهة

وهو الذى كان يظن نفسه فاهم كل حاجة

ربما كان سبب هذا الشعور الصعب

الأنانية

لا يفكر الانسان الا فى نفسه

لا يترك اى مجال للتفكير فى الاخرين ولو لوهلة

لا يعطى لنفسه وقتا قصيرا للتفكير فى هموم من يحبهم

أو من يظن نفسه أنه يحبهم

نفسى

نفسى وبس

لم أفكر يوما أن هنالك ما يضايقها

حتى قرأت كلامها فى مدونتها

لم أتخيل أن تكتب مثل هذا الكلام

كلام لو لم أكن متأكدا أنها هى التى قد كتبته

لأقسمت أن هذا الكلام كلام كاتب كبير ومنقول

لم أدرك ذلك دائما

ما تستقبلنى بالابتسامات والضحكات

وأنا لا أدرى أنها تحمل كل هذه الهموم التى لا أعلم من أين أتت بها

بالتأكيد أبله

لقد أصبحت الان فى الثانية والعشرين

وأنا الذى أعاملها وكأنها ما زالت فى العاشرة

لااعرف الان ما الذى يشغلها ؟

ولا ما الذى يجعلها حزينة؟

اسف

لا تعليق

حسن شحاتة مدرب المنتخب رفض المكافأة اللى رصدها اتحاد الكووورة ليه بعد فوزه بكاس الدورة العربية

ملحوظتان

واحد : المكافأة كانت ميت الف جنيه بس

اتنين : الدورة كان بيشارك فيه الصف التانى من السودان والامارات ومعاهم السعودية وليبيا ابطال كاس العالم السابقين

وشكرا

مش عارفين تحسبوا

الحكومة بتقول ان التضخم وصل لغاية حوالى سبعة فى المية

على الرغم من ان الحديد زاد مية فى المية خلال السنة اللى فاتت

والاسمنت زاد برده مية فى المية

ومش هنتكلم عن الزيت والفول والرز والسكر

بالرقم ده اللى قالته الحكومة

وطبعا زى ما احنا عارفين

ان الحكومة مبتكدبش زى ما قالت ابلة نظيفة

متهيألى انا كنت فاهم معنى التضخم غلط

يا جماعة هصححلكوا المعنى

كل مازادت الاسعار يبقى ده كويس

وكل ما ثبتت الدخول كل ما ده بقى اكوس واكوس

شفتوا بقى انا كنت ظالم الابلة ازاى

سبحان مغير الاحوال

كان يا ما كان

يا سعد يا اكرام

فى سالف العصر والاوان

واحد اسمه

سمير رجب

كان

ولا بلاش ما انتوا كدة كدة عارفين

وفاكرين الحادثة اللى بعدها قال

وينجى الله الذين اتقوا بمفازتهم لا يمسهم السوء

اهم حاجة دلوقتى هوة بقى حاله ايه

سمير بيه رجب عامل جورنال اسمه أربع وعشرين ساعة

بيتوزع مجانى - بلوشى يعنى

طبعا دا اكيد علشان بعد الناس اللى عرفته عنه

عمرها ما هتشتريله حاجة

مش كلهم طبعا

المهم فى الجورنال البلوشى ده ماسك الحكومة سلخ وناس تانية برده

ومفيش حد يصدق ان ده هوة ابو سمرة السكرة

بقى يكتب عن حال البلد والعجز اللى فى الميزانية اللى وصل كام وعشرين مليار

وعن النواب والوزرا اللى بياكلوا لب فى المجلس

مع ان فيه سودانى ولوز

مش عارف ايه اللى حصل ؟

يمكن ورق الجمهورية غير أربع وعشرين ساعة

يمكن

ويمكن كمان كان بيكتب نفس الكلام ده فى الجمهورية طول السنين اللى فاتت دى

بس بالحبر السرى